ಸ್ಟೇಟ್ ಬ್ಯಾಂಕ್ ಆಫ್ ಮೈಸೂರು ಪ್ರಾಯೋಜಿಸಿದ ಎರಡು ಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಗಳಾದ ಕಾವೇರಿ ಗ್ರಾಮೀಣ ಬ್ಯಾಂಕ್, ಕಲ್ಪತರು ಗ್ರಾಮೀಣ ಬ್ಯಾಂಕ್‌ಗಳ ವಿಲೀನದ ಮೂಲಕ ಕಾವೇರಿ ಕಲ್ಪತರು ಗ್ರಾಮೀಣ ಬ್ಯಾಂಕ್ ೨೪ನೇ ಮೇ ೨೦೦೬ರಂದು ಸ್ಥಾಪಿತವಾಯಿತು. ಇವೆರಡೂ ಕೃಷಿ ಹಾಗೂ ಕೃಷಿಯೇತರ ವಲಯದ ಅಗತ್ಯಗಳನ್ನು ಹೆಚ್ಚು ಪರಿಣಾಮಕಾರಿಯಾಗಿ ಈಡೇರಿಸುವುದು ಮತ್ತು ಕ್ಷೇತ್ರದ ಅಭಿವೃದ್ಧಿಗೆ ಕಾರಣವಾಗುವುದು ವಿಲೀನದ ಉದ್ದೇಶ.

ಈವರೆಗೂ ಯಾವುದೇ ಔಪಚಾರಿಕ ಹಣಕಾಸು ಹಾಗೂ ಸಂಸ್ಥೆಗಳಿಂದ ಸಾಲ ಸಿಗದ ಮತ್ತು ಅದರಿಂದಾಗಿ ಲೇವಾದೇವಿಗಾರರನ್ನು ಅವಲಂಭಿಸಿದ ಕುಟುಂಬಗಳನ್ನು ತಲುಪಿಸುವುದನ್ನು ಗುರಿಯಾಗಿಟ್ಟುಕೊಂಡು ಸ್ವಸಹಾಯ ಸಂಘಗಳ ರಚನೆ ಮತ್ತು ಸಾಲ ಕೂಡಿಕೆಯನ್ನು ಕಾವೇರಿ ಕಲ್ಪತರು ಗ್ರಾಮೀಣ ಬ್ಯಾಂಕ್ ಕೈಗೆತ್ತಿಕೊಂಡಿದೆ.